" ............ ಚಿಕ್ಕ ಚಿಕ್ಕ ವಿಚಾರಗಳು --- ದೊಡ್ಡ ದೊಡ್ಡ ಪುರಸ್ಕಾರಗಳು ................".

ಸಂಸಾರದಲ್ಲಿ ಸುಖ ಸಿಗಲು , ಮನಶಾಂತಿ ಲಭಿಸಲು ಚಿಕ್ಕ ಚಿಕ್ಕ ವಿಚಾರಗಳತ್ತ ಹೆಚ್ಚಿನ ಗಮನ ನೀಡಬೇಕು, ನಿಮ್ಮ ಅನುಭವಗಳನ್ನು ಇಲ್ಲಿ ಬರೆಯಿರಿ. ಬಹಳ ಜನರಿಗೆ ಅನುಕೂಲವಾದೀತು. ನಿಮಗೆ ಅವರೆಲ್ಲರ ಆಶೀರ್ವಾದ / ಧನ್ಯವಾದಗಳು ದೊರೆಯುವದು ನಿಶ್ಚಿತ. ಉಪಕ್ರತನಾದವನು ಉಪಕಾರಮಾಡಿದವರ ಸ್ಮರಿಸುವದು ಮಾನವ ಸಹಜ ಗುಣ.

*****************

ಎಲ್ಲ ಮನೆಗಳಲ್ಲಿ ಎಲ್ಲಾದರೂ ಹೊರಡುವ ಮುನ್ನ ವೇಳೆ ನಿಶ್ಚಯಿಸುತ್ತಾರೆ. ವೇಳೆಗೆ ಸರಿಯಾಗಿ ತಯಾರಿಯಾಗದವರ ಬಗ್ಗೆ , ಉಳಿದವರು ಮುನಿಸಿಕೊಳ್ಳುತ್ತಾರೆ. ಕೆಲವೊಮ್ಮೆ ತೀವ್ರ ಮಾತಿನ ಕದನ ಏರ್ಪಡುತ್ತದೆ..

ನಾವು ಮನೆಯಲ್ಲಿ ಗೋಡೆಗೆ ತೂಗುಬಿಟ್ಟ ಗಡಿಯಾರವನ್ನು ಹತ್ತು ನಿಮಿಷ ಮುಂದಿಟ್ಟಿದ್ದೇವೆ. ಹೆಂಡತಿ ಮತ್ತು ಮಗ ಆ ಗಡಿಯಾರ ನೋಡಿ ವೇಳೆ ತಿಳಿಯುತ್ತಾರೆ. ನಾನು ಆ ಗಡಿಯಾರಕ್ಕಿಂತ ಹತ್ತು ನಿಮಿಷಗಳ ಮೊದಲಿನ ವೇಳೆ ಅನುಸರಿಸುತ್ತೇನೆ. ಅಂದರೆ ಎಲ್ಲರು ಸಾರ್ವತ್ರಿಕವಾಗಿ ಅನುಸರಿಸುವ ವೇಳೆ. ನಾನು ಹೆಂಡತಿ ಜೊತೆ ಬೆಳಿಗ್ಗೆ ಹತ್ತು ಮೂವತ್ತಕ್ಕೆ ಹೊರಹೊಗಬೇಕೆನ್ನಿ. ನನ್ನ ಹೆಂಡತಿ ತಿಳಿದುಕೊಳ್ಳುವ ವೇಳೆ ಗೋಡೆ ಗಡಿಯಾರದ ವೇಳೆ. ನನ್ನ ವೇಳೆಗಿಂತ ಹತ್ತು ನಿಮಿಷ ಮೊದಲೇ ನನ್ನ ಹೆಂಡತಿ ತಯಾರಾಗಿರುತ್ತಾಳೆ . ನೋಡಿ ಸಮಸ್ಯೆಗೆ ಸುಲಭ ಪರಿಹಾರ.

******************